Thursday, June 27, 2013

Носталгичност





Го грабнувам
замислениот ноември
од јунската тмурност
и го гушкам.

Го држам во прегратки
и му плачам
за изобличеноста
на луѓето..
Седи – му велам,
и му подавам
шолја изладено
ноемвриско кафе.
Си го згорчуваме животот
за да се вклопиме
во пастелот
на денот што доаѓа.
Насмев.
За да го покриеме
идното заминување.

Двајца љубовници
изгубени некаде помеѓу
две изгрејсонца.

Ќе ми недостасуваш – велам,
и гледам како јуни
ми го тегне низ
зраците на пеколно сонце.


No comments:

Post a Comment